Молитва за ближних великомученице Екатерине

О святая дево и мученице Екатерино! Молим тя: призри на бедствия наша, и на нас грешных раб Божиих (имена), сотвори нас горняя мудрствовати а не земная. Поспеши нам молитвами твоими побеждати плотская похотения, к миру пристрастия и козни злых духов, на нас злобно воюющих; да твоим предстательством во дни жития сего свободни явимся от враждебных их нападений и по исходе от воздушных их истязаний. О премудрая дево! Даруй нам вся яже к пользе прошения: можеши бо многая испросити у возлюбленнаго Жениха твоего, Христа Бога нашего. Мы вемы, яко много может молитва праведнаго, поспешествуемая благостию Милосердаго Бога, Емуже слава, честь и благодарение всегда, ныне и присно, и вовеки веков. Аминь.